Rotating Banner


Web Hosting
Main Page
Banadir Star
Latest News
BBC Somali


Books
  


Mogadishu Links
Somalia (60 - 69)
Somalia-Study
Somali Links
Public Forum
Chat Room

Topic of the week
Djibouti Conference


Search BBC News

 


 

 
MUDULOODKA DIBEDDA EE NABAD UGU BAAQAYAY BEELAHA DAGAALAY:

 

Waxaa nasoo gaaray inuu dagaal dhexmaray, labo jilib oo Mudulood ah kana tirsan beesha Abgaal , ee kala ah Kabaale iyo Cabdulle-Galmaax; dagaalkaasna wuxuu ka dhacay tuulooyinka Nuur-Dugle iyo Maa-Saciid ee ka tirsan Degmada Cadale.

Runti aad iyo aad ayaan uga naxnay dagaalkaas micno darrada ku dhacay, ahna dagaal aan loo baahneyn, oo dad badan ku geeriyoodeen, xoolo badan ku baaba'een, dad badan ku ceertoobeen kuwa badanna ku barakaceen. Waxaase lala yaabay sida ay u sheegeen oo aan xishoodka lahayn oo ay ku qayaxantahay cadawtinimada qaawan ee idaacada BBC-da iyo saxaafadaha ama idaacada leyska arko ee Muqdisho oo ay u buun-buuniyeen dagaalkaas, ujeedana ka dambeysana ah in ay colaad abuuraan, dabna laga dhex huriyo walaalaha meesha ku dagaalay, si uu dagaalka u sii fido, kadibna dadka walaalaha ahna ay isku dhammaadaan.

Waxaan leenahay kuwaas maangaabka ah ee ku faraxsan dagaalka Mudulood in aan lagu noolaan karin labo dab dhexdood. Sidoo kale waxaan dhalliil iyo cannaan u soo jeedineyna odey-dhaqadmeedyada, siyaasiyiinta, hoogaamiye kooxeedyada iyo ganacsatada Mudulood sida gaabista leh ee arrintaas u wajaheen, qaarkoodna ayna ka hadlin oona loo baahna in mar hore ladaba qabto dhibaata inta ayna faafin, dagaalkana la joojiyo.

Haddaba, guud ahaan Mudulood waa inuu ka waantooba dagaal cidda dhexmara mar kale, wax la arkana ee beesha la xiriira ee qilaaf xagga beelaha ama siyaasad waa in lagu dhammeeyo wada hadal, wada tashi iyo tanaasul. Shaqsi la arko ha noqdo siyaasi, hoogaamiye kooxeed, ganacsato ha ahaado ama oday beeleed, waxaa ka weyn midnimada Mudulood waana in la dhowro. Haddaba, si looga hortago qilaafaadka siyaasadeed iyo kan beeleed, lana tixgelinaayo sida loo wada deggan yahay, Mudulood waa inuu xeer loo dhigo oo uu ku kala badbaado, sameystana Maamul Gobolleed oo ay u madax bannaanyihiin in ay deggaan, dadkana wax u qabto, lagana feejignaado qiyaamada isku dirka dadka walaalaha ah.

Ugu dambeeynti, waxaan tacsi u direyna dhammaan dadki ku geeriyooday eheladoodi, samir iyo iimaana ILLAAH naga siiyo, inta hadda joogta tulooyinkaas iyo kuwa barakacay waxaan hawada u marineyna taagyeero niyadeed si ayahooda uga tashtaan iskuna tanaasulaan oo ay is cafiyaan. Waxaa soo saaray baaqan magacyada kala ah:

1. Dr. Cabdi Maxamed Culusow 'Black'
2. Axmed Xasan Cabdi
3. Aadan Moxamed Ibraahim 'Oor'
4. Inj. Maxamuud Xuseen Mooghe
5. Maxamuud Muxidiin Maalin 'Katimba'
6. Cabdulaahi Maxamed Maxamuud
7. Xasan Sheikh Cabdi
8. Musse Cabdulle 'Musse Jareer'
9. Liibaan Cali Mahdi
10. Cali Macalin Musse
12. A. Sheikh Xasan 'Timos'
13. Cadirashid Cali
14. Axmed Hadaafo
15. Xuseen Xasan Uureey 'Ugaaska'
16. Cabdalla Mocalim Maxamuud '
17. Dott. Cabdicasiis Ibraahim Casir
18. Prof. Cali Jimcaale Axmed
19. Muxidiin Macalin 'Muxidiin Badar'
20.Dott. Xasan Maxamed Cali 'Basei'
21. Siid Cali Cabdulle Barre
22. Dott. Dauud Maxamed Xasan
23. Dott. Cabdiraxmaan Xaaji Gacal
24.Abuukar Sheikh Cabdullaahi' Abuukar Shaxam'
25.Cali Cumar Xuseen
26.Xasan C. Jimcaale 'Xasan Madoobe'
27. Dott. Abuukar Nuur Xuseyn
29.Xasan Maxamed Nuur 'Xasan Makoow'
30. Dr. Saalah Maalin
31.Cabdulaahi Bariire
32. Cabdulaahi Maxamed Cusmaan 'Cukaash Bocow'
33. Abuukar Maxamed Cusmaan 'Abuukar Bocow
34. Maxamed Nuur Cali 'Ditte'


Main Page | Latest News | Reuters News | A. Press News| Washington Post |Contact Us

Copyright 1999 banadir.com  All Rights Reserved

 



Previous News

May 2001 News
April 2001 News
March 2001 News
Feb. 2001 News
Jan. 2001 News
Dec. News
Nov. News
Oct. News
Sept. News
August News
July News
June News
May News
April News
March News
February News
January News