Rotating Banner


Web Hosting
Main Page
Banadir Star
Latest News
BBC Somali


Books
  


Mogadishu Links
Somalia (60 - 69)
Somalia-Study
Somali Links
Public Forum
Chat Room

Topic of the week
Djibouti Conference


Search BBC News

 


 

 
Booqashadii Wasiirka Wasaaradda Arrimaha Gudaha ee DKMG ee uu ku Marayay Waddanka Mareykanka oo Dhamaad ku dhow.

 

Wasiirka Wasaaradda Arrimaha Gudaha ee DKMG Dahir Maxamed Sheekh nuur (Dahir Dayax) iyo wafdi uu hogaaminayo oo indhoweydba booqasho shaqo ah ku marayey nawaaxiga Washington,DC ee waddankan Mareykanka ayaa maraya usbuucii ugu danbeysay ee booqashadiisa.

Safarka Wasiirka wuxuu ku saleysnaa martiqaad uu ka helay qaar ka mid ah baarlamaanka mareykanka, sidii loo soo celin lahaa xiriirkii ka dhaxeyn jiray labada wadan(Soomaaliya iyo Mareykanka), inuu la kulmo shirkado maalgeliyo wadanka si dadka tabaaleysan ay shaqo u helaan, iyo maadaama wadamada mareykanka iyo kanada ay yihiin wadamada ay soomaalida aadka ugu badan yihiin inuu maskaxdooda wanaagsan ku soo celiyo dhulkoodii hooyo.

Waxyaabihii illaa haatan uu ku guuleysatey oo kooban waa sidatan: Wasiirka wuxuu la kulmay jaaliyadda soomaaliyeed ee degan nawaaxiga Washington,DC, kuwaasoo isugu jiray culumaa,udiin, odayaal dhaqameed, haween, dhalinyaro,iyo dhammaan waxgaradka jaaliyadda, wuxuuna uga tacsiyadeeyay dhibaatooyinkii jaaliyadda ku soo maray dagaaladii sokeeyay kana codsaday in leys cafiyo. Wasiirka isagoo hadalkiisa sii wata wuxuu warbixin faahfaahsan ka siiyay jaaliyadda sabarkii iyo dhibaatadii loo soo maray shirkii carta iyo sidoo loo soo dhisay DKMG.

Wasiirka isagoo ka jawaabayey suaal aheyd barnaamijka DKMG wuxuu yiri inay dowladda barnaamijkeeda uu ku salysan yahay dibuheshiisiin iyo in ammaanka la sugo haba ugu horeysee dibuheshiisiinta isagoo tusaale usoo qaatay qaar ka mid ahaa mucaaradka DKMG oo haatan ku biiray Dowladda sida Dr Xuseen Xaaji Bood , Maxamed Qanyare Afraxiyo qaar kale oo mucaarado ahaa, qaar kale oo waaweyna ay wadahadaladooda socdaan. Wasiirka wuxuu u sheegay dadweynihii halkaa isugu yimid inay yihiin maskaxdii waddanka ka maqneyd kana codsaday inay dib ugu soo celiyaan.

Waxaa sheegid mudan in qaar badan oo ka mid ahaa dadweynihii halkaa yimid oo runahaantii feker qalad ah ka qabay ay aad ugu riyaaqeen warbixintii wasiirka. Wasiirka wuxuu martiqaadyo badan ka helay gobolada mareykanka iyo kanada waana uu ka cudur daartay shaqooyinkiisa oo aad u badnaa aawadeed,wuxuuse dhowr teleconference sida Atlanta, GA..Minneapolis,MN..Toronto,Canada..iyo kuwo kale, waxayna halkaa dadweynihii isku dhaafsadeen fekerkooda ballan qaadeena inay DKMG hiil iyo hooba ku taageeri doonaan, waana ay ugu duceeyeen in ilaahey isaga iyo dowladaba u fududeeyo xilkaa adag oo ay dadweynaha u hayaan.

Wasiirka wuxuu la kulmay laba mar sarkaalo sare(deputy and regional directors and Somali desk) ee xafiiska arrimaha dibadda ee mareykanka wuxuuna uga warbixiyay xaaladda waddanka iyo barnaamijka DKMG iyo waxyaabaha ay qabatey iyo carqaladaha hor taagan,una fidiyey martiqaad ay ku yimaadaan soomaaliya, sarkaaladaas waa ay ka aqbaleen martiqaadkaas waxayna wasiirka u sheegeen inay aad ula shaqeyn doonaan DKMG ah ayna aad ugu riyaaqeen shaqadii ay soo qabteen kana caawin doonaan meelo badan, kuna jiraan hawsha aqoonsiga DKMG ah, rajeynayaana in goor aan dheereyn lagu dhawaaqi doono oo xiriirkii labada wadan uu dib u furmi doono.

Wasiirka wuxuu kaloo la kulmay safarkiisan qaar ka tirsan baarlamaanka Mareykanka ,kuwaasoo ah kuwa casuumaadiisa uu ku yimid safarkan u direy mahadcelin ka dib wuxuu uga warbixiyey xaaladda dalka guud ahaan iyo barnaamijka DKMG iyo waxyabihii ay soo qabatay, una fidiyey martiqaad ay ku yimaadaan soomaaliya waana ay ka aqbaleen una sheegeen inay iman doonaan soomaaliya goor dhow, ballanqaadeena in arrinta soomaaliya laga dhageysan doono(hearing) baarlamaanka mareykanka waxyaabo badana la qaban doonaan DKMG ah.

Wasiirka mudane Dahir Dayax wuxuu kaloo la kulmay masuuliyiin ka socday ururada qaabilsan horumarinta Dimoqraadiyada Adduunka ugana warbixiyey barnaamijka DKMG ah oo ku salaysan Dimoqraadiyadda kana codsaday tababaro kala duwan oo gudaha iyo dibadda ah kaasoo ku saabsanaan doono sidii loo tababari lahaa Baarlamaanka DKMG ah iyo xagga doorashooyinka waxay masuuliyaantaa iyaga ah ay u sheegeen wasiirka inay gacan weyn ka geysan arrintaa.

Wasiirka waxa kale uu la kulmay shirkado waaweyn iyo heyadda ganacsayaasha oo aad magac ugu leh waddankan mareykanka daneynaayeyna in ay maalgeliyaan soomaaliya ayaa qaarkood ka codsadeen in wasiirka uu ka ogolaado inay soo booqdaan wadanka si ay ula shiraan qaar ka mid ah ganacsatada soomaaliyeed, Wasiirka waa uu ka aqbalay codsigoodaas una sheegay inuu u sii diyaarin doono ganacsatada ay la kulmi doonaan.

Wasiirku wuxuu kaloo booqday xarumaha ciidamada booliiska ee nawaaxiga Washington,DC halkaasoo uu kula kulmay hogaamiyayaashii ciidamada kana dhegeystay warbixino ku saabsan sida ciidanka booliska u shaqeeyo. Mahadcelin ka dambow Wasiirku wuxuu ka codsaday inay ka caawiyaan labiska ciidamada iyo tababarada. Wasiirka oo booqashadiisa soo gebagebeyn doono 14-ka bishan dib ayaan idinkala socodsiin doonaa shaqooyinkiisa iyo kulamadiisa u harsan. Qore:

Yusuf Samater & Mohammed Maye of (SATEC, Inc)


Main Page | Latest News | Reuters News | A. Press News| Washington Post |Contact Us

Copyright 1999 banadir.com  All Rights Reserved

 



Previous News

June 2001 News
July 2001 News
May 2001 News
April 2001 News
March 2001 News
Feb. 2001 News
Jan. 2001 News
Dec. News
Nov. News
Oct. News
Sept. News
August News
July News
June News
May News
April News
March News
February News
January News