Labadaan shir waxaa lagu kala qabtay Mawlaca Sheekh Muxudin Celi ee magaaladda Muqdishu iyo Balcad oo ka tirsan gobolka shabeela dhexe ee jowhar.


W.Q Mohamoud Ghedi Aw Hilowle.
Rochester, Minnesota.

Shirka ka dhacay Mawlaca waxaa ka qeyb galay Siyaasiin caan ah oo uu ka mid yahay Madaxweynihii hore ee Soomaliya H. E. Ali Mahdi Mohamed,culumaa'udiin waaweyn oo laga qaderiyo Soomaliya oo dhan, Saraakiil, Aqoonyahano, odayaal dhaqmeedyo iyo waxgarad miisaan culus ku leh beelweynta Mudulood. Waxayna ka soo saareen kulankaas go'aan ah in ey tahay lagama maarmaan midnimada Beesha Mudulood.
(Mudulood Unite is essentialed)

Shirka Balcad waxaa ka qeyb galay Dr. Maxamuud Xassan Ali Gabow oo ah guddoomiyaha gobolka banadir ahna duqa magaalada Muqdishu, Sheekh Sharif Sheekh Axmed guddoomiyaha midowga maxkamaha Islaamiga, Xaaji Maxamuud X. Cumar Caddan oo ka mid ah masuuliyiinta sar sare ee shirkada Banadir, Macalin Xaashi Faarax guddoomiyaha xamar iyo xamar daye, Siyaasiga rug-caddeyga ah Dr. Xussen Xaaji
Bood, taageerayaasha maxkamadaha iyo dadweyne aad u fara badan oo ku nool dagmada Balcad iyo nawaaxigeeda.

Shirka Balcad waxaa lagu soo gebagebeeyay su'aal taagan oo ah" xagee-buu jirey Mudulood markaan dhibanaha aheyn" ( where was Mudulood when we were victimed?)

Dhibanayaashii hal- kaas ka hadlay waxaa ugu horreeyey Mudane ku hadlaayay magaca beesha Moobleen Cismaan oo sheegey in beeshiisa lagu qadiyay 275 Xildhibaan ee Soomaliweyn ku qeyb-satey 4.5.

Dhibanihii labaad wuxuu ahey Mudana ku hadlaayey magaca jufada Cumar Galmax oo sheegey in dhawr sano deegaanada Cumar Galmaax uu nin aan u dhalan si xoog ah uga talihaayey haddase waa laga xoreeyey dhammaan deegaanada Cumar Galmaax waa Alle mahaddiis.

Sidoo kale sargaal ku hadlaayey magaca Ciidamada Xaaji Abuker X. Cumar Caddaan oo yiri"dagaalkii ka dhacay deegaanka Galgalato bishii Febaraayo 18, 2006 afar (4) gaadiidka dagaalka oo loo yaqaan Tikniko oo noogala qabsatey ayaan ilaa sedex (3) bilood baryeyney in noola soo celsho ee mudulood xagee-buu jirey?"


Siloo gaaro hadafka guud ee beesha waxaa loo baaha-nyahay farsamo ( Technicality) lagu xaliyo qilaafka hadda ka dhex jira beelweynta Mudulood.

Markaas ka dib hala dhiso guddi lagu kalsoon yahay ee Mudulood ( Mudulood Reliable Council)


Gudiguna wax ugu horreeya ee uu qabtaa waa in ey noqotaa sidii dhammaan Ciidamada Mudulood loo mideyn lahay loogana saari lahay magaalada Muqdishu oo noqotay baahala galeyn loona dejin lahay xerooyinka ku dhex yaal deegaanada Mudulood oo aan weli soo gaarin dhul ballaarsiga ba'an sida: Deegaanley, Hiilweyne, Qoralow iyo Warshada Risaasta ee Mahadey iwm. laguna biilaa lacagtaan Muduloodku hadda isku dilaayo.


Dabadeedna Ciidankaan loo isticmaalaa haddii la soo weeraro midnimada Mudulood, Diinta Alle iyo haddii la arko argagixiso run ah iyadoo lala kaashanaayo Bulshada caalimka ( International Community)


Mohamoud Ghedi Aw Hilowle.
Rochester, Minnesota.