Rotating Banner


Web Hosting
Main Page
Banadir Star
Latest News
BBC Somali


Books
  


Mogadishu Links
Somalia (60 - 69)
Somalia-Study
Somali Links
Public Forum
Chat Room

Topic of the week
Djibouti Conference


Search BBC News

 


 

 
Shixnad hub ah oo garoonka Ballidoogle xalay uga soo degtay dowladda KMG

 

Saanad hub ah oo lagu siday diyaarad ayaa xalay uga soo degtay dowladda KMG ah garoonka diyaaradaha Ballidoogle oo bilahanba u xirnaa is haysad ka dhex aloosan maliishiyooyinka ka taliya garoonka. Hubka, waxaa lagu soo qaaday 12 gawaarida qaada xamuulka, iyadoo ay galbinayeen 30 gaari oo kuwa tiknikada ee dagaalka ah.

Lama oga halka lagu dejiyey hubka iyo meesha uu ka yimid, hase ahaatee warar milateriga quseeya ayaa caddeynaya in laga keenay saddex dal oo aan la carrabaabin. Saraakiil ka tirsan dowladda KMG waxa ay ii sheegeen in shixnado kale ay jidka ku soo jiraan.

Gawaaridii saanaddu ku rarnayd markii ay soo gaareen agagaarka Ex. Koontarool waxaa rasaas ku furay maliishiyooyin ay u tiillay jidgooyo halkaas. Wax dhimasho ah lama soo sheegin, laakiinse laba nin oo ka tirsanaa ciidammadii shixnadda la socday ayaa ku dhaawacmay halkaas.

Dhinaca kale, saddex ruux ayaa naftoodii ku waayey, afar kalena dhaawacyo ayaa ka soo gaaray dagaal maanta gelinkii hore ku dhex maray degmada Kaaraan maliishiyooyin u kala daacad ah hoggaamiye kooxeedka Muuse Suudi iyo Cabdiraxmaan Shifti oo ah siyaasi horey La-taliye ugu ahaan jiray hoggaamiye kooxeedkii siyaasadda ka fariistay, Cali Mahdi Maxamed.

Dagaalka oo ka billowday canshuur uu Muuse Suudi toddobaadkan ku soo rogay suuqa degmada Kaaraan waxa uu anfariir ku riday dadkii deggenaa goobihii lagu diriray.

Dadka ka ganacsada suuqa iyo maliishiyada Cabdiraxmaan Shifti ayaa si adag uga soo horjeeda canshuurtan. Sarkaal u hadlay kooxda Muuse Suudi waxa uu beeniyey in dagaalku uu dhex maray maliishiyadooda iyo maliishiyada Cabdiraxmaan Shifti.

Waxa uu sheegay in maliishiyooyin iyaga ka tirsan ay isku dheceen. Ma ahan markii ugu horreysay ee maliishiyooyinka labada nin ay dagaal isaga hor yimaaddaan.


Main Page | Latest News | Reuters News | A. Press News| Washington Post |Contact Us

Copyright 1999 banadir.com  All Rights Reserved

 



Previous News

May 2001 News
April 2001 News
March 2001 News
Feb. 2001 News
Jan. 2001 News
Dec. News
Nov. News
Oct. News
Sept. News
August News
July News
June News
May News
April News
March News
February News
January News