Rotating Banner


Web Hosting
Main Page
Banadir Star
Latest News
BBC Somali


Books
  


Mogadishu Links
Somalia (60 - 69)
Somalia-Study
Somali Links
Public Forum
Chat Room

Topic of the week
Djibouti Conference


Search BBC News

 


 

 
WAR SAXAAFADEED

 

Eng. Abdirahman Omar Osman
Afhayeenka Guddiga Maamulka Muse Sudi Yalahow (Yurub) Yarisow70@hotmail.com

Anigoo ku hadleyna Magaca golaha Maamulka Muse Sudi Yalahow ee Yurub, waxey nala noqotay inaan soo saarno war saxaafadeedkan, kadib dhacdadii iska hor imaadka ee ka dhacday Magaalada Muqdisho 27kii Maarso 2001, anagoo ka jawaabeyna war saxaafaddaha xorta ee Soomaaliyeed iyo kuwa caalamkaba ey soo bandhigeen kuwaasoo aan ka run sheegin dhacdadaas.

Marka hore waxaa mudnaantayada koowaad leh shaqsiyaadkii Soomaaliyeed ee ku geeriyooday iyo kuwii ku dhaawacmayba, waxaan u tacsiyeyneynaa shaqsiyaadkaas waxaana EEBBE uga baryeynaa inuu janaddii ka waraabiyo, eheladdii iyo qaraabaddii ey ka geeriyoodeena Samir iyo Iimaan EEBBE ka siiyo, sidoo kale shaqshiyaadkii ku dhaawacmay iyagana waxaan EEBBE uga baryeynaa inuu siiyo ka kabasho caafimaad oo deg deg ah.

Aad baan uga xunnahay in saxaafadaha qaarkood ey mudnaanta koowaad siiyeen shaqsiyaadkii Ajaanibta aheyd diiftii ka muuqatay oo eyna marnaba xusin dhimashadii iyo dhaawicii shaqsiyaadkii Soomaaliyeed.

Waxaan jeclaan laheyn inaan caddeyno in aan marnaba dagaal gardarro ah oo duulaan ah aan lagu qaadin xarunta Medicins Sans Frontieres ee Magaalada Muqdisho, balse ey aheyd shil aan ku tala gal aheyn oo dhacay, runtiina aan aad uga xunnahay.

Marnaba Muse ama kooxdiisa raalli kama aha kamana noqon karaan in la weeraro Hay'adaha gargaarka iyo shaqaalahoodaba, sidaas daraadeed waxaan leenahay war saxaafaddeedkii ey qoreen hay'adaha Reauters iyo BBC world service webpagekooda maalintii arbacadii 04/04/2001 ineysan aheyn arrimo raad iyo sal leh iyagoo ku eedeeyey in Muse Sudi iyo Kooxdiisa ey weerareen xarunta MSF.

Waxaan mar walba aamminsanahay in shaqaalaha hay'adaha gargaarka ey istaahilaan caawinaad kasta inta ey ku sugan yihiin waddanka gudihiisa, eynu marnaba raalli ka aheyn in la weeraro ama la waxyeeleeyo.

Ka dib dhacdaddaas shilka oo aan ku tala galka aheyn waxey nasiib darro saameysay shaqaalihii gargaarka oo aan isla markiiba u fidinay gargaar bani'aadanimo iyo siddii iyaga oo badbaadsan ey ku dhoofi lahaayeeen, taasoo ey dadka qaarkiis u fasirteen in la afduubay ama in lacag lagu raadsanaayo, waxaa tan dalliil u ah ka dib markii ey war saxaafaddeed bixiyeen markey tageen Kenya waxey yiraahdeen waxaan ka sheekeysaneynay dhallinyarada iyo inaga Cayaaraha Ingiriiska sida Manchester United iyo Arsenal cayaartii dhex martay.

Sidaad la socotaan waxey noqotay in Bill Condie iyo Roger Carter oo labadaba u dhashay Ingiriis ey daahaan oo eysan dhaqso uga tegin waddanka, haddaba arrintan waxaa sababay sababo fara badan oo ey ka mid aheyd in la sugno nabadgelyadooda, iyo iyadoo kooxda Carte iyo Hogaamiye kooxoodyada qaarkood ey ku guuldareysteen inay dhallinyarada sugeysay ammaanka la galaan gorgortan, haddaba waad dareemi kartaan dhibka ey kordhisay arrintan, si kastaba ha noqotee maalintii 4/4/01 ayey iyaguna ka amba baxeen magaalada Muqdisho shuruud la'aan.

Sidoo kale wakaalada wararka ee Reuters waxey qortay in loo qabsaday raggaas si loo tuso dunida caalamka ineysan kooxda Carte sugi Karin nabadgalyada magaalada Muqdisho, haddaba arrintan waa mid aan sal iyo raad toona laheyn, sidaan ka warqabno magaalada Muqdisho marka loo fiiriyo xaaladaha jira darted waxaan ku tilmaami karnaa iney tahay meel nabadeed waayo adduunka magaalo ey maamulaan hoggaamiye kooxood, shacabkana uu intiisa badan heysto hub, sharci la'aan iyo maamul la'aanba maba jirto, sidaas ey tahayna waxaan anaga u horseednay hoggaamiyeyaasha kale in qeybaha magaalada aan ka talino in eysan jirin nabadgalyo xumo.

Marnaba hadafkayaga ma'aha inaan caalamka tusno nabad gelyo xumo, oo waxaan aaminsanahay in kooxaha kale ey nagu daydaan oo ey nabadgelyada dhankooda ka sugaan si loo gaaro hadafkayaga guud ee ah in la helo Dowlad Caadil ah loona dhanyahay, matali kartana Ummadda Soomaaliyeed.

Ka dib markii ey arrintan dhacday waxan isla garanay in la magacaabo guddi ka baaraan degga, fallanqeeyana sababaha keenay isku dhacan iyo siddii mustaqbalka looga faa'iideysan lahaa ineysan arrimahan oo kale dhacaan, waxaana rajeyneynaa in guddigan uu dhowaan soo saaro warbaxintooda, taasoo aan ku soo gudbin doono war saxaafaddeedyada danbe.

Eng. Abdirahman Omar Osman
Afhayeenka Guddiga Maamulka Muse Sudi Yalahow (Yurub) Yarisow70@hotmail.com


Main Page | Latest News | Reuters News | A. Press News| Washington Post |Contact Us

Copyright 1999 banadir.com  All Rights Reserved

 



Xidigta Banadir

Previous News

March. 2001 News
Feb. 2001 News
Jan. 2001 News
Dec. News
Nov. News
Oct. News
Sept. News
August News
July News
June News
May News
April News
March News
February News
January News