Wasiirka Caafimaadka ee Dawladda Isutagga Imaaraadka Carabta Mudane Hamed Al-Madfac ayaa shalay Xafiiskiisa ku qaabilay Wasiirka Caafimaadka ee Dawladda (KMG) ee Soomaaliyeed Mudane Maxamed Nuuraani Bakar oo beryahanba booqasho ku joogay dalkan Imaaraadka .

Mudane Maxamed Nuuraani wuxuu Wasiirka Caafimaadka Imaaraadka siiyay warbixin la xiriirta guud ahaan xaaladda caafimaadka dalka iyo baahida ay Wasaaradiisu qabto , gaar ahaan dhanka dayactirka iyo qalabeynta cisbitaalada dalka oo runtii u baahan dadaal iyo hawl adag ,isagoo isla markaana tusaaleeyay Wasiirka inay iyana jirto baahi weyn oo dalka oo dhan ah oo dhanka daawada ah .