Mogadishu,12th July 2001 Wasiirka Arrimaha Gudaha ee Dawladda KMG ah ee Jamhuuriyadda Soomaaliya Mudane Daahir Sheikh Moxamed (Dayax) ayaa si rasmi ah uga furay magaalada Muqdisho dorraad 10kii July 2001 Xaruun cusub oo lagu daryeelo caafimaadka bulshada Soomaaliyeed oo loo bixiyay Xaruunta Caafimaadka Takhasusiga ee Carafaat ( ARAFAT SPECIALIST MEDICAL CENTER ).

Xaruuntan oo lagu qalabeeyay qalab casri ah waxaa ka hawl gali doona takhaatiir muddo badan ku maqnaa wadanka dibediisa oo dib ugu soo laabtay iyo kuwa sii joogay dalka .

Waxaana iska kaashaday hirgelinteeda Hay'adda wadaniga ah ee ZAM-ZAM FOUNDATION iyo takhaatiirta soomaaliyeed oo ay ka mid yihiin :-

1) Dr. Cismaan Aadan Cabdulle ( Cudurrada Guud ),
2) Dr. Maxamuud Zaahid Maxamed ( Cudurrada Guud ),
3) Dr. Cabdullahi Maxamuud Maxamed ( Cudurrada Keliyaha & Kaadi-mareenka )
4) Dr. Cabdullahi Faarax Caseyr ( Cudurrada Caruurta )

Waxayna Xaruunta oo ku taala Xaafadda Yaaqshiid ( inta u dhexeysa guryaha Caymiska iyo Xaruunta Telefishinkii hore ) ka kooban tahay:-

B) Bukaan Eegto ;
T) Sheybaar si casri ah u qalabeysan ;
J) Raajiyo
X) Ultrasound iyo Indoscopic Instrument .

Xafladii furitaanka oo ahayd mid si wanaagsan loo soo agaasimay waxaa kaloo ka soo qaybgalay Wasiiro ka tirsan Dawladda KMG ah ,Xubno ka socda Baarlamaanka iyo madaxda maamulka Gobolka Banaadir iyo marti sharaf kale .